ناس كتير فاكرة إن صاحب الشغل يقدر يفصل أي موظف وقت ما يحب، لكن الحقيقة إن قانون العمل الجديد حط ضوابط واضحة، وماينفعش الفصل يتم بشكل تعسفي.
القانون حدد 7 حالات فقط تعتبر “خطأ جسيم” ممكن يترتب عليها فصل العامل، زي تقديم مستندات مزورة أو انتحال شخصية، أو ارتكاب خطأ يسبب خسائر كبيرة لصاحب العمل، أو إفشاء أسرار المنشأة، أو منافسة صاحب العمل بدون إذنه، أو الحضور للعمل تحت تأثير المخدرات أو الخمور، أو الاعتداء داخل مكان العمل، بالإضافة إلى الغياب المتكرر بدون عذر وفق الضوابط التي حددها القانون.
والأهم من كده، إن قانون العمل الجديد أكد إن الفصل مش قرار منفرد من صاحب العمل، لكنه بيكون من اختصاص المحكمة العمالية في حالات الفصل التأديبي، لحماية حقوق العامل ومنع الفصل التعسفي.
يعني قبل ما تقلق من كلمة “مفصول”.. اعرف حقوقك، واعرف كمان إن القانون حدد الحالات والإجراءات بشكل واضح لحماية الطرفين.