لو مستني تقدم على شقق الإسكان التعاوني، يبقى لازم تلحق، لأن الهيئة أعلنت أن الخميس 30 يوليو هو آخر موعد لشراء كراسة الشروط.
التقديم ليه شروط مهمة، أولها إنك تكون مصري، وسنك فوق 21 سنة، وما تكونش أنت أو حد من أسرتك أخد وحدة أو أرض من الإسكان الاجتماعي أو التعاوني قبل كده.
وكمان لكل أسرة الحق في حجز شقة واحدة بس، مع سداد جدية الحجز واستكمال كل البيانات المطلوبة.
خطوات التقديم بسيطة، بتسدد المبلغ بالفيزا أو أمر توريد بنكي، وبعدها تقدم الإيصال مع باقي الأوراق في مقر الهيئة بمدينة نصر قبل انتهاء المدة.
وكراسة الشروط متاحة كمان في فروع السويس وبورسعيد والعريش، أما المدن المطروحة فهي القاهرة الجديدة، بورسعيد، أكتوبر، بدر، العاشر من رمضان، السويس، 15 مايو، والعريش.
و لو ناوي تحجز، متستناش لآخر لحظة علشان متفوتكش الفرصة.