وجه الفنان صبرى فواز رسالة إلى متابعيه عبر حسابه على موقع «فيسبوك»، دعا خلالها إلى ترك الناس يعبرون عن فرحتهم فى ظل الضغوط التى يعيشونها، سواء بسبب الظروف المعيشية أو الأحداث المحيطة.
وكتب صبرى فواز: «الناس تعبانة من المعايش والطقس والحروب اللى حوالينا فى كل حتة.. فااا.. لما يفرحوا ويهيصوا عشان المنتخب أو عشان الثانوية العامة.. سيبهم يفرحوا.. حتى لو مزودينها شوية من وجهة نظرك.. سيبهم.. ماتقعدش تسم بدنهم.. هم كده بيحاولوا يعملوا توازن عشان مايطلعوش من هدومهم.. فااا.. سيبهم الله لا يسيئك».
واختتم منشوره مستشهدا بمقولة والده الراحل، قائلًا: «على رأى أبويا الله يرحمه: سيبوا المشنوق يتطوح».
وكان أشاد الفنان صبرى فواز بالمستوى الذى قدمه منتخب فرنسا بعد فوزه على منتخب السويد، مؤكدا أنه يمتلك شخصية قوية داخل الملعب وقدرة على حسم المباريات سريعا فى بطولة كأس العالم المقامة حاليا فى المكسيك وأمريكا.
وكتب صبرى فواز عبر حسابه على موقع «فيسبوك»: «فرنسا دى فرقة مرعبة.. ممكن تبطأ أى ماتش.. تبدأ طاخ طيخ طوخ.. تلت ساعة وتلاقى الفرقة اللى قدامهم استسلمت.. ونكمل الماتش دلع وأهداف وكده».
