لو بطاقتك التموينية اتوقفت، متقلقش.. وزارة التموين فتحت باب التظلمات رسميًا علشان المواطنين اللي اتوقف صرف الدعم ليهم.
أول خطوة إنك تدخل على منصة مصر الرقمية، وتحدث بياناتك، وبعدها تطبع استمارة التحديث.
بعد كده تروح لمكتب التموين التابع ليك، وتسلم الاستمارة مع المستندات اللي تثبت إنك مستحق للدعم، أو تبعت بياناتك وأسباب التظلم على الخط الساخن 19959.
الوزارة هتراجع كل البيانات، ولو ثبت أن إيقاف البطاقة كان بالخطأ أو إنك مستحق للدعم، هيتم إعادة تفعيل البطاقة وصرف التموين من الشهر اللي بعده.
ومن أهم الأوراق المطلوبة: صورة بطاقة التموين، وبطاقات الرقم القومي، وإيصال مرافق حديث، والمستندات اللي تثبت سبب التظلم، سواء مفردات مرتب، أو شهادة من المرور، أو شهادة من الجمعية الزراعية حسب سبب الإيقاف.
ومن أشهر أسباب وقف البطاقات وجود أسماء متوفين، أو بيانات غير صحيحة، أو عدم استخدام البطاقة لمدة 6 شهور متتالية، أو سفر أحد المستفيدين لفترة طويلة.
